Belaruswar — Фінал праекта!
Сёння, 24 верасня мы аб'яўляем аб завяршэнні праекта «Belaruswar». Праект праіснаваў 1 год і 11 месяцаў. За гэты час сайт атрымаў мноства ўзнагарод, прыняў удзел у рэспубліканскіх і міжнародных конкурсах, выставах, канферэнцыях, а самае галоўнае - прыцягнуў да сябе ўвагу велізарнай колькасці людзей усіх узростаў. Надышоў час падвесці вынікі праекта.
24 кастрычніка 2021 года была створана першая старонка сайта Belaruswar. З таго часу праект дамогся поспеху ў многіх мерапрыемствах. Прыводзім прыклады ў лічбах:
• 20 розных конкурсаў, навуковых канферэнцый, выстаў, фестываляў, у якіх Belaruswar прыняў удзел.
• 6 рэспубліканскіх і міжнародных конкурсаў, у якіх Belaruswar стаў абсалютным пераможцам.
• 3 газеты напісалі падрабязныя артыкулы аб праекце.
• 2 станоўчыя рэцэнзіі на сайт, напісаныя экспертамі ў галіне інфармацыйных тэхналогій і адукацыі.
• Больш за 500 актыўных карыстальнікаў.
• Больш за 2000 праглядаў усіх старонак сайта.
Мы выказваем падзяку кожнаму, хто падтрымліваў праект на працягу 2 гадоў, кожнаму, хто пачынаў разам з намі і працягвае дапамагаць нам, выкарыстоўваючы сайт у сваіх мэтах, бо самая вялікая мэта інфармацыйнага рэсурсу - гэта яго прызнанне і выкарыстанне. На сённяшні дзень у сайта больш за 500 актыўных карыстальнікаў і больш за 2000 праглядаў усіх старонак сайта.
Асобна мы хочам выказаць падзяку выдатным людзям — Смагінай Ларысе Леанідаўне, Бажковай Таццяне Іванаўне, Дісько Таццяне Яўгенаўне, якія прыкладаюць усе намаганні для развіцця праекта. Яны дапамагалі ў рэалізацыі праекта, удзелу ў конкурсах, складанні і дасягненні мэтаў праекта. Мы вельмі ўдзячныя за вашу дапамогу!
Праект працягвае працу, сайтам усё гэтак жа можна карыстацца і дасылаць нам архіўныя матэрыялы сваіх сваякоў, якія прайшлі Вялікую Айчынную вайну! Belaruswar больш не будзе прымаць удзел у конкурсах тэхнічнай накіраванасці, аднак працягне выступаць на фестывалях і навуковых канферэнцыях у якасці адукацыйнага рэсурсу.
А зараз ...
А зараз мы ўжо працуем над новым праектам, які выйдзе ў 2024 годзе. Чакайце навін!
